Ustabil straumforsyning har ført til at sjukehuset i Lærdal har stengt medisinsk avdeling og stoppa inntak av nye pasientar, også akutt. Ambulanseberedskapen i området er skjerpa, skriv NRK Sogn og Fjordane.
Arbeidet med å skifte hovudstraumstavla ved Lærdal sjukehus har skapt utfordringar for straumtilførselen til sjukehuset. Mellom anna står begge heisane ved sjukehuset.
Det er innført full inntaksstopp i Lærdal, og gjennom natta har pasientar som skulle til sjukehuset blitt omdirigerte til Førde sentralsjukehus, to timar unna.
– Beredskapen med bilambulanse blir auka, slik at det blir ståande to døgnbilar i Lærdal. I tillegg til ambulansehelikopteret i Førde, er også luftambulansestasjonen på Ål og Hovudredningssentralen (HRS) orienterte om situasjonen. HRS styrer redningshelikopteret i Florø, opplyser beredeskapssjef Terje Olav Øen i Helse Førde.

Ikkje alvorlege hendingar

– Eventuelt nye akuttpasientar vil bli sendt rett til Førde, seier Øen til NRK.
Les meir om saka hjå NRK