Luftambulanse
- AMK nekta legar å rykkje ut
To personar omkom i ei trafikkulykke, der AMK-sentralen i Førde skal ha nekta eit legeteam å rykkje ut frå Nordfjord sjukehus.
To personar omkom i ei trafikkulykke, der AMK-sentralen i Førde skal ha nekta eit legeteam å rykkje ut frå Nordfjord sjukehus,skriv NRK.
Les også på NRK: Hastekeisarsnitt hindra legane ved Nordfjord sjukehus
To ungdommar omkom i april i år, då bilen deira køyrde i fjellveggen på riksveg 15 ved Haus i Eid kommune.
På grunn av oskeskyta frå vulkanen på Island var all lufttrafikk forbode, og vanlege ambulansar måtte rykkje ut.
- Det finst instruksar om at AMK skal avgjere om eit team skal rykkje ut på ulykka eller ikkje. I dette tilfellet vart det stilt spørsmål til AMK om vi skulle reise til staden, men i Førde sa dei at vi skulle halde oss på sjukehuset, seier overlege Mads Petterson ved Nordfjord sjukehus.
Overlege og tilsetterepresenant Rune Larsen har i ein nettdebatt kritisert legar på Nordfjord sjukehus for å ikkje rykkje ut til ulukka.
Vil ikkje diskutere i media
Men ifølgje Petterson er det AMK-sentralen i Førde som har skulda.
- Etter instruksar frå AMK sendte vi ikkje ut korkje anestesisjukepleiar eller anestesilege til staden, forklarer overlegen.
- Det er ei tragisk sak med to omkomne - kunne nokon ha vore redda?
- Med tanke på pasientar og dei pårørande vil eg ikkje ta den diskusjonen i media, seier Petterson.
