– Søndag 18. april begynte eg frå morgonen av å føle eit slags press i bringa. Det var omtrent som å ha ei fjøl på ryggen og ei på brystet, og så ei skrutvinge som pressa dei saman, fortel Arne Skilbrei.

Presset kom og gjekk. Sette han seg ned, gav det seg litt, men reiste han seg, auka det på. 

– Ved halv sekstida om ettermiddagen sa eg til kona mi at eg trur eg må ringe legevakta. Då eg fekk snakke med nokon der, tok det ikkje lang tid før AMK var kopla på. Så snart eg begynte å snakke om smerter i brystet verka det som om dei trykte på den store raude knappen.

Arne bur i Vieåsen, få minutt frå sjukehuset, og det kan hende han kan vere glad for i dag: