36,5 millionar til nytt utstyr
Helse Førde treng sårt nytt utstyr, og ber styret godta investeringa. Det blir mellom anna fem nye ambulansebilar alt i haust.
Helse Førde treng sårt nytt utstyr, og ber styret godta investeringa. Det blir mellom anna fem nye ambulansebilar alt i haust, skriv NRK.
- Vi har vel det utstyret på vestlandet som kanskje er eldst og som har størst behov for utskifting, seier konstituert direktør Vidar Vie i Helse Førde.
Til styremøtet fredag foreslår Vie å bruke 36,5 millionar kroner alt i haust på nytt medisinsk utstyr, for å fjerne litt av verstings-stempelet Helse Førde har fått.
Av dei nær 90 millionane til investering som Helse Førde har til disposisjon til og med 2011, vil Vie bruke 36,5 million allereie i haust. Og det som har størst risiko for havari blir skifta først.