Den 25. september signerte dei fire regionale helseføretaka ein samarbeidsavtale med Norges Røde Kors og Norsk Folkehjelp for å leggje til rette for innsats i prehospital helseberedskap. Avtalen er ei oppmoding til alle helseføretak om å inngå eigne samarbeidsavtalar med lokale frivillige lag, skriv Helse Vest i ei pressemelding.
Samarbeidsavtalen skal danne grunnlaget for inngåing av eventuelle lokale avtalar mellom helseføretak og Røde Kors (RK) / Norsk Folkehjelp (NF) sine distrikts- og lokalorganisasjonar.
– Dei frivillige organisasjonane speler ei viktig rolle i førstelinje ved akuttberedskap, og det er viktig og bra for befolkninga og spesialisthelsetenesta at vi no har denne samarbeidsavtalen på plass, seier Stig A. Slørdahl, administrerande direktør i Helse Midt-Norge RHF.

Samarbeidsområde

Følgjande oppdrag / samarbeidsområde er inkludert i arbeidet med samarbeidsavtalen:

• Beredskapsambulanse (behov for ekstra ambulanseressursar)
• Akutthjelp (førstehjelp)
• Samarbeid med spesialisthelsetenesta når organisasjonane har:
  • Sanitetsvakt på arrangement
  • Tilstadevakt på eigne etablerte vaktstader utan at oppdrag eller oppdragsgivar er bestemt på førehand
• Bistand ved katastrofar og større ulykker
• Oppdrag utanfor veg

Følgjer lokalt regelverk

«Akuttutvalget» NOU 2015:17, «Først og fremst» anbefaler å bruke dei frivillige organisasjonane aktivt i prehospital helseberedskap.
Dersom dei enkelte helseføretaka vel å inngå lokale avtalar, skal desse regulere rutinar og føresetnadar for samarbeid basert på samarbeidsavtalen, og til ei kvar tid det gjeldande regelverket på området.
–Dette er et område hvor det offentlige ikke kan ta hele ansvaret, og dette rammeverket er viktig for oss. Det vil styrke vår beredskap, sier generalsekretær i Norsk Folkehjelp, Henriette Westhrin på Norsk Folkehjelps hjemmeside.
Med utgangpunkt i denne avtalen skal det lages lokale avtaler som regulerer samarbeidet mellom våre lokale lag og det enkelte lokale Helseforetaket som har ansvar for prehospital beredskap.
– Dette er en god ramme for å nå kunne gå videre med lokale avtaler. I mange år har det vært tvil om hvordan denne tjenesten skal utvikles. Usikkerheten har ført til at lokale lag har vært forsiktige med å satse, og at det noen steder har vært vanskelig å inngå avtaler. Nå er det juridiske rammeverket på plass og vi kan ruste opp tjenesten, sier Westhrin.
Les heile pressemeldinga hjå Helse Vest
Les også hos Norsk Folkehjelp