Bekymra for akuttilbodet
Når det ikkje er flyvêr må ein basera seg på annan ambulansetransport til næraste sjukehus. Men kva om det ikkje er akuttilbod i nærleika?
Når det ikkje er flyvêr må ein basera seg på annan ambulansetransport til næraste sjukehus. Men kva om det ikkje er akuttilbod i nærleika?
Ambulansehelikopteret i Førde kan verte endå viktigare i framtida. For Helse Førde vil legge ned alt av akuttilbod ved lokalsjukehusa i fylket, skriv NRK.
Vart ståande
Statistikk frå Norsk Luftambulanse viser at helikopteret i Førde ikkje kunne brukast i 133 av totalt 805 henvendingar frå AMK i 2007.
I 2008 var talet 151, i 2009 var talet 98. Variasjonane skuldast i fylgje Norsk Luftambulanse vertilhøva år for år.
Fastlege Frode Hestdal, som arbeider ved legekontoret i Måløy og er kommunelege seier til NRK at det særleg for slag- og infarktpasienter kan vere avgjerande å få behandling så raskt som råd. Då kan det få alvorlege følgjer om helikopteret står på bakken og det er lang veg til nærmaste sjukehus.
| År | Tal oppdrag | Avviste | Avbrotne | Oppteke | Teknisk | Totalt |
| 2009 | 923 | 59 | 10 | 27 | 2 | 98 |
| 2008 | 943 | 91 | 18 | 39 | 3 | 151 |
| 2007 | 805 | 83 | 18 | 26 | 6 | 133 |
Forklaring
- Tal oppdrag: Det totale tal henvendelsar der helikopter er den gunstigaste ressursen til å løyse eit gitt oppdrag.
- Avviste: Oppdrag som er akseptert men ikkje kan gjennomførast grunna meteorologiske forhold.
- Avbrotne: Oppdrag som er iverksette men som må avbryta på grunn av meteorologiske forhold.
- Oppteke: Når helikopteret er oppteke med anna oppdrag
- Teknisk: Når helikopteret ikkje kan brukast på grunn av tekniske tilhøve med maskina.