Helikopterlandingsplass på taket er spikra på årets budsjett. No gjenstår det berre formalitetar før prosjektet kan realiserast, skriv Haukeland Universitetssykehus på sine nettsider.

– No gjenstår det for Bergen kommune å godkjenne reguleringsplanen for området, og så er vi i gang, seier sjefsingeniør Terje Sørensen ved prosjektkontoret i Drift/teknisk divisjon.

Hovudmålet med helikopterlandingsplass på sjukehuset er å sikre dei mest skadde og sjuke pasientane rask og effektiv tilgang til Akuttmottaket, utan tidkrevjande og uheldig overføring slik det er i dag frå basen i Grønneviken.

På taket til Sentralblokken
Den nye landingsplattforma skal ligge i andre etasje på det sør/vestre hjørnet av Sentralblokken, mot Parkbygget.

– Plattforma er planlagt plassert 16 meter over bakkenivå. Frå denne plattforma skal det gå eit heissystem direkte ned i første etasje i Sentralblokken med kommunikasjon til Akuttmottak, forklarar Sørensen.

På god vei
Landingsplassen er godkjent for eit trafikkomfang på rundt 400 inn- og utflygingar per år med bruk heile døgnet. Føretaket har også fått godkjenning frå Luftfartstilsynet på den flytekniske løysninga for plattforma. Inn- og utflygingstrasear er allereie kartlagt, og Sørensen bekreftar at det både er gjort prøveflygingar og utført lydmålingar.

– No er vi eit godt skritt nærare helikopterlandingsplass. Frå Prosjektkontoret si side kan vi på kort varsel gå ut med førespurnad til entreprenørar om plattforma, seier Sørensen.

Les heile saka på Haukelands nettsider