Ambulansar sviktar i kulda
10 av 21 stasjoner manglar garasje til ambulansane i Helse Førde, dette fører til at medikament frys og apparat som sviktar.
10 av 21 stasjoner manglar garasje til ambulansane i Helse Førde, dette fører til at medikament frys og apparat som sviktar.
No har Helsetilsynet i Sogn og Fjordane oppretta tilsynssak mot ambulansestasjonen i Sogndal, skriv NRK.
På grunn av garasjemangel står bilane ute heile året. Dei er tilkopla straum, men dette har ikkje vore nok.
A-preparat frys
Ambulansepersonellet har meldt om at A-preparat som morfin frys, EKG-apparat sviktar og at transporten blir kald for pasientane.
- Vi ser så alvorleg på desse opplysningane at vi har oppretta sak, seier assisterand fylkeslege Linda Svori til avisa.
Ho seier at viss sterke, smertestillande medikament som morfin frys, er det ein risiko for at ein ikkje har medisin å gje pasienten ved til dømes hjarteinfarkt.
No har bilane i Sogndal fått tilkopla kraftigare straumkjelder og fått ekstern kupevarmar.
Mange manglar garasje
10 av 21 stasjonar i Helse Førde mangar tak over bilane. Ambulansesjef Stian Sægrov i Helse Førde seier at dei har fått signal om at også nedbør og kulde skapar problem.
- Ideelt sett burde vi hatt garasje til alle ambulanse, Det er ei utfordring å gjere daglege arbeidsoppgåver når det regnar og snør sidelengs.
Han seier at når nye leigeavtalar skal ut på anbod, så er garasje lagt inn som eit krav.