- Sjølv om Statens helsetilsyn meiner at akuttberedskapen er oppretthalden i ferietida, er vi urolege for sider ved det biletet som kartlegginga syner, skriv Statens Helsetilsyn på sine nettsider.

Les heile saka hos Statens Helsetilsyn: Akuttberedskapen er oppretthalden i ferietida

Tysdag 14. juli 2009 gjorde dei ei landsomfattande kartlegging av bemanning og kompetanse hjå personellet på alle ambulansebilar som var i akuttberedskap her i landet.

Resultata frå kartlegginga syner at det var heile 488 bilar i beredskap, dei fleste på døgnbasis. Dette er om lag 1 bil per 10.000 innbyggjarar, og svarar til den beredskapen som ein har også utanfor ferietida. I kartlegginga vår har vi berre funne at to bilar i heile landet var tekne ut av akuttberedskap på grunn av feriesituasjonen.

Det er ganske omfattande bruk av vikarar. Kompetansen til desse er sterkt varierande og i ulik grad sikra gjennom opplæring. Vidare ser vi at ein mange stader framleis i dag har så store avvik frå forskriftskrava at dei vil ha problem med å kome i mål med fullverdig kompetanse innan 1.4.2010 når overgangsordninga sluttar å gjelde.

For stoda i dei ulike ambulanseområda, sjå tabellen:

(Med atterhald om mogelege reknefeil.)